Jöklarannsóknafélag Íslands – Síða 16 – Heimasíða Jöklarannsóknafélags Íslands

Dagskrá GJÖRFÍ til hausts 2020

9. febrúar 2020/in Fréttir /by halfdana

Gönguferðir GJÖRFÍ, gönguhóps Jöklarannsóknafélagsins, eru á allra færi og eru í vetur að jafnaði farnar annan hvern fimmtudag kl. 17:30. Í skammdeginu verður gengið eftir upplýstum göngustígum, ennisljós geta þó komið að gagni. Gönguferðirnar taka ca 1 1/2 – 2 klst. Oft er farið á veitingastað að lokinni göngu, (upplagt fyrir þá sem ekki komast í göngu að hitta hópinn þar). Í forsvari fyrir hópnum eru Ástvaldur Guðmundsson (sími 822-2581) og Þóra Karlsdóttir, en frekari upplýsingar má nálgast hjá Þóru í síma 866-3370.

Dags.	Áfangastaður	Brottför
20. febrúar	Kópavogsdalur	Digraneskirkja
5. mars	Elliðaárdalur	Rafveituheimilið
19. mars	Laugardalur	Áskirkja
2. apríl	Straumur	N1 Hafnarfirði
16. apríl	Rauðavatn	Mbl, hádegismóum
30. apríl	Heiðmörk	Vífilsstaðahlíð
14. maí	Búrfellsgjá	Heiðmörk
28. maí	Hvaleyravatn	N1 Hafnarfirði
Sumarfrí
6. ágúst	Mosfell	Mosfellskirkja
20. ágúst	Helgufoss	Gljúrfrasteinn
3. september	Úlfarsfell	Úlfarsárdalur
17. september	Tröllafoss

Upplýsingar um árshátíðina

12. nóvember 2019/in Fréttir /by Katla

Nú eru einungis 4 dagar í partý ársins!

Árshátíðin verður haldin á laugardaginn 16. nóvember og er mæting í fordrykk kl. 18 í Öskju, húsi Háskóla Íslands. Þaðan verður svo rúta sem mun keyra okkur að veislusalnum þar sem dýrindis kvöldverður verður á boðstólnum ásamt mikilli gleði og söng.

Það verður enginn bar í veislunni, kjörið tækifæri til að taka með sína uppáhalds drykki til að súpa á allt kvöldið.

Miðasalan er enn í fullum gangi og hægt er að kaupa miða á 6500 kr. hjá Baldri (s. 773-4045), Dísu (s. 525-5862) og Garðari (s. 893-0785).

Haustfundur og nýtt fréttabréf

17. október 2019/in Fréttir, Fundir /by halfdana

Haustfundur Jöklarannsóknafélags Íslands verður haldinn þriðjudaginn 22. október kl. 20 í Öskju, náttúrufræðahúsi Háskóla Íslands.

Á fundinum mun Magnús Tumi Guðmundsson segja frá ferð Svíanna Wadell og Ygberg í Grímsvötn 1919, fyrir réttum 100 árum, en það er fyrsta ferð í Grímsvötn sem sögur fara af. Eftir kaffihlé mun Sverrir Hilmarsson sýna myndir frá ferðum um jökulbreiður Suðurskautslandsins.

Nánar um efni aðalfundarins í nýju fréttabréfi JÖRFÍ.