Nothing Found
Sorry, no posts matched your criteria
Vorfundur, nýtt fréttabréf og breytt GJÖRFÍ-ferð
Vorfundur Jöklarannsóknafélagsins verður haldinn næstkomandi þriðjudag, 30. apríl í Öskju. Nánar um fundinn í nýútkomnu fréttabréfi JÖRFÍ sem aðgengilegt er hér á vef félagsins.
Sama þriðjudag mun GJÖRFÍ jafnframt ganga um Öskjuhlíðina í stað þess að ganga á Keili. Brottför er kl. 18 frá Nauthól og gengið verður í um klukkustund um Öskjuhlíðina. GJÖRFÍ-liðar ætla því næst að snæða kvöldverð á Nauthól áður en þeir halda á vorfund Jöklarannsóknafélagsins í Öskju.
Ferð fellur niður
Fyrirhuguð skíðagönguferð GJÖRFÍ laugardaginn 6. október fellur niður.
Sigurðarvaka – Útgáfutónleikar í Hannesarholti
Fimmtudagskvöldið 21. mars, kl. 20 verður fjölbreytt söngvaka í salnum í Hannesarholti á Grundarstíg 10. Þar flytur hópur söngfólks og tónlistarmanna söngva í tilefni af útgáfu albúmsins Kúnstir náttúrunnar (CD- og DVD-diskur), en útgáfan er helguð aldarafmæli Sigurðar Þórarinssonar á síðastliðnu ári. Útgefendur albúmsins standa að dagskránni ásamt menningarmiðstöðinni Hannesarholti.
Aðgangseyrir er kr. 2.000 – Aðgöngumiða þarf að panta á netfanginu „songvaka hjá gmail.com“. Staðfesting á pöntun berst síðan í tölvupósti. Athugið að salurinn rúmar aðeins liðlega 60 manns og því mikilvægt að panta tímanlega. Miðar eru síðan greiddir við innganginn rétt fyrir tónleikana.
Meginuppistaðan í dagskránni verður þessi:
1) Hópurinn flytur söngvísur við ljóðaþýðingar og frumsamda texta Sigurðar. Gerð verður stuttlega grein fyrir útgáfunni og tilurð söngvísnanna.
2) Edda Þórarinsdóttir og tríóið Pálsson flytja nokkra söngva, þar á meðal einn sem er á fyrrnefndum hljómdiski.
3) Flutt verða þekkt sönglög við ljóð Hannesar Hafstein. Hér er vel þegið að gestir kvöldsins taki undir.
Flytjendur verða: Árni Björnsson, Björgvin Gíslason, Edda Þórarinsdóttir, Elín Ýrr Agnarsdóttir, Gunnar Guttormsson, Halldór Ólafsson, Kristján Hrannar Pálsson, Magnús Pálsson, Njáll Sigurðsson, Oddur Sigurðsson, Páll Einarsson, Reynir Jónasson og Rúnar Einarsson.
Í hléi geta tónleikagestir fengið sér kaffi eða te. Einnig gefst þá kostur á að kaupa fyrrnefndan safndisk.