Nothing Found
Sorry, no posts matched your criteria
Sumarferð JÖRFÍ
Jöklarannsóknafélagið ráðgerir sumarferð á Okjökul fyrstu helgina í júlí (5.-7.) Skráning í ferðina fer fram á netfangið: sumarferd hjá gmail.com, eða hjá
Hálfdáni Ágústssyni í síma 8659551.
Flestir kannast við Okið, sem er grágrýtisdyngja með toppgíg, áþekk Skjaldbreið. Dyngjulögunin blasir vel við af Kaldadal en úr Borgarfjarðardölum ber meira á Oköxlinni, sem er móbergsfjall utan í dyngjunni. Jökullinn á Oki hefur látið mjög á sjá á undanförnum árum og hefur lón verið að myndast í toppgígnum, þar sem hluti jökulhettunnar lá áður yfir.
Áætlað er að ganga frá Kaldadal upp á hæsta koll Oksins og litast um kringum lónið nýja. Af Okinu er mikilfenglegt útsýni til Langjökuls, Eiríksjökuls og Þórisjökuls. Síðan verður gengið norður af dyngjunni og niður í tjaldstað við Hringsgil, vestarlega í landi Húsafells. Í Hringsgili verður slegið upp grillveislu um kvöldið. Á sunnudeginum verður ekin fáfarin jeppaslóð til vesturs meðfram Reykjadalsá og ef tími vinnst til mætti einnig skoða nýja sýningu um Snorra Sturluson í Reykholti.
Veðurstöð í Kverkfjöllum
Veðurstöðin og vefmyndavélarnar í Kverkfjöllum erum komnar í gagnið á ný, eftir kuldalega vetrarvist í klakabrynju: „http://vedur.mogt.is/harbor/?action=Stations&harborid=13„. Björn Oddsson og M&T bera hita og þunga af verkefninu en Vinir Vatnajökuls veittu myndarlegan styrk til verkefnisins en jafnframt hafa Vegagerðin, Hjálparsveit skáta í Kópavogi og Jöklarannsóknafélag Íslands komið að því.
Horft úr vefmyndavél í Kverkfjöllum til Herðubreiðar
Snjóbílar HSSK við veðurstöð í Kverkfjöllum
GJÖRFÍ og Suðurstrandarvegur
Laugardaginn 18. maí fer GJÖRFÍ um Suðurstrandarveg. Mæting er við Nesti Fossvogi kl. 10 á laugardagsmorgni og N1 við lækinn í Hafnarfirði kl 10.15.
Farið verður um Svartsengi, Grindavík og austur í Selvog, með stuttum göngu-, fræðslu- og nestisstoppum og e.t.v. T-kaffistoppi í Selvogi.