Við minnum á haustfund JÖRFÍ kl. 20 í kvöld, í Öskju, jarðvísindahúsi Háskóla Íslands. Fundinum verður einnig streymt á netinu, og hlekkurinn hér á eftir opnast stuttu fyrir fundinn: „https://eu01web.zoom.us/j/63571036479„.
Á fundinum mun Guðfinna Aðalgeirsdóttir kynna helstu niðurstöður er varða Ísland, jöklabreytingar og sjávarstöðubreytingar, úr nýjustu skýrslu milliríkjanefndar Sameinuðu þjóðanna um loftslagsmál (IPCC). Eftir kaffihlé munu Hrafnhildur Hannesdóttir og Oddur Sigurðsson segja sögu sporðamælinga JÖRFÍ. Frekari upplýsingar eru í nýju fréttabréfi JÖRFÍ.
http://gamli.jorfi.is/wp-content/uploads/2019/03/JORFILOGOOO.jpg00halfdanahttp://gamli.jorfi.is/wp-content/uploads/2019/03/JORFILOGOOO.jpghalfdana2021-10-26 11:01:532022-01-18 08:23:34Haustfundur JÖRFÍ í kvöld
Í fyrirlestri sínum mun Þorsteinn fara yfir rannsóknir á ofanflóðum á Íslandi og þá sér í lagi þess hluta sem flokka mætti til aurskriðna og berghlaupa. Miklar breytingar hafa orðið og eru að eiga sér stað í náttúru Íslands. Skriðjöklar hopa hratt, jökullón sem eru og hafa verið að myndast við sporði skriðjökla stækka að sama skapi. Fjallshlíðar fyrir ofan þessa hörfandi jökla og jökullón þeirra standa eftir, oft á tíðum óstöðugar. Samfara hlýnandi veðurfari hefur orðið vart við að sífreri í fjöllum er að þiðna og láta undan og hafa stór skriðuföll fallið hér á landi undanfarin áratug sem rekja má til þiðnunar sífrera. Vísbendingar eru um að breytingar hafi orðið á úrkomumynstur og úrkomuákefð samfara hlýnandi veðurfari og má hugsanlega rekja stór skriðuföll sem fallið hafa hér á landi á undanförnum árum til þeirra breytinga. Aurskriður og berghlaup eru þó engin nýlunda eins og glöggt má sjá á samantekt Ólafs Jónssonar. Fjölmörg dauðsföll má rekja til þessarar tegundar ofanflóða á síðustu öld og segja má að hurð hafa skollið nærri hælum á Seyðisfirði í desember síðastliðinn, en einhvern vegin hefur þessi málaflokkur almennt fengið mjög litla athygli hingað til hér á landi. Í fyrirlestri sínum mun Þorsteinn fara yfir hvernig staðið er að rannsóknum, skráningu og kortlagningu á aurskriðum og berghlaupum á Íslandi í dag og mun fjalla um nokkur nýleg dæmi skriðufalla á undanförnum áratugum.
Þorsteinn lauk Bs prófi í jarðfræði frá Háskóla Íslands árið 1988 og fjórða árs prófi í jarðfræði frá HÍ sama ár. Þorsteinn hóf nám við Háskólann í Lundi árið 1989 og lauk þaðan Fil.lic prófi í ísaldarjarðfræði árið 1992 og doktorsprófi á sama sviði árið 1995. Vorið 1995 fluttist hann ásamt fjölskyldu sinni til Íslands og hóf störf við snjóflóðadeild Veðurstofu Íslands vorið 1995 og starfaði þar til loka árs árið 1999. Í byrjun árs 2000 hóf hann störf sem forstöðumaður Náttúrustofu Norðurlands vestra og byggði hana upp frá grunni. Þorsteinn starfaði sem þar til byrjun árs 2014 og hefur síðan þá starfað við kennslu og rannsóknir við Háskóla Íslands, en árið 2020 starfaði hann við afleysingar sem sérfræðingur í Umhverfis- og auðlindaráðuneytinu.
Frá því að Þorsteinn snéri heim úr námi hefur hann unnið töluvert að rannsóknum á ofanflóðum. Störf hans á Veðurstofunni snéru að miklu leiti að snjóflóðum og uppbyggingu snjóflóðaeftirlits á landinu. Orsakir og eðli skriðufalla, auk rannsókna á jarðfræðilegum ummerkjum bæði snjóflóða og skriðufalla hefur þó alltaf skipað stóran sess í rannsóknum hans.
Þriðjudaginn 23. mars næstkomandi kl. 20:00 munu Kieran Baxter, Þorvarður Árnason og M Jackson segja sögu stuttmyndarinnar „After Ice“, sem er samstarfsverkefni höfundanna þriggja.
Stuttmyndin
After Ice er afurð fjögurra ára fjölþjóðlegs og þverfaglegs samstarfs á
milli Kieran Baxters, Þorvarðar Árnasonar og M Jacksons. Myndin tengir
saman þrívíddar-
endurgerðir loftljósmynda frá fyrri tímum úr safni Landmælinga Íslands
við drónamyndskeið sem tekin eru í samtímanum, í þeim tilgangi að gera
hörfun jökla, sem hröðuð hefur verið af manna völdum, sýnilega og
aðgengilega fyrir almenna áhorfendur. Í þessu erindi
munum við líta um öxl og ræða um vinnuferil og markmið myndarinnar eins
og þetta þróaðist yfir tíma. Við munum kanna möguleika á nýstárlegri
notkun sjónrænna aðferða, bæði í þágu vísindamiðlunar og sem ákveðið
form vísindarannsókna í sjálfu sér. Einnig munum
við ræða hvernig listir og vísindi geta unnið saman að þróun farsælla
leiða til þekkingarmiðlunar um áhrif loftslagsbreytinga.
Hægt er að horfa á myndina (12 mín) áður en erindið er haldið með því að fara á eftirfarandi slóð:
climatevis.com/after-ice
Þorvarður Árnason
er líffræðingur, heimspekingur, kvikmyndagerðarmaður, ljósmyndari og
forstöðumaður rannsóknaseturs HÍ á Hornafirði
Kieran Baxter er skoskur
vísindamaður
og kennari í samskiptahönnun við Háskólann í Dundee í Skotlandi og
jafnframt nýdoktor við Rannsóknasetur HÍ á Hornafirði.
M. Jackson er
bandarískur landfræðingur, jöklafræðingur og rithöfundur og hefur dvalið
tvívegis á Hornafirði sem Fulbright-styrkþegi.
After Ice is a
short film which emerged from a four-year international and
interdisciplinary collaboration between Kieran Baxter, Þorvarður
Árnason and M Jackson. The
film combines three-dimensional reconstructions of historical aerial
photographs from Landmælingar Íslands with current-day drone filming,
with the aim of making the last 30 years of anthropogenically
accelerated glacier melt visible and accessible to a public
audience. In this talk we will reflect on the process and purpose
behind the film. We will explore the potential of novel applications of
visual media methods, both for outreach purposes and as a form of
scientific research in themselves. We will also discuss
how artistic and scientific disciplines can work together towards
developing successful climate change communication.
We invite you to watch the short (12 minute) film After Ice online ahead of the talk: climatevis.com/after-ice
Þorvarður Árnason
is a biologist, film maker, photographer and the director of the
Research Centre of the University of Iceland in Hornafjörður
Kieran Baxter is a
scientists, lecturer in communication design at the University of
Dundee and a post-doc researcher at the Research Centre of the
University of Iceland in Hornafjörður
M. Jackson is an
American geographer, glaciologist, writer and a National Geographic
Explorer and has worked in Hornafjörður during her Fulbright scholarship
program.
http://gamli.jorfi.is/wp-content/uploads/2019/03/JORFILOGOOO.jpg00halfdanahttp://gamli.jorfi.is/wp-content/uploads/2019/03/JORFILOGOOO.jpghalfdana2021-03-20 09:51:282022-01-18 08:23:51Fyrirlestur um stuttmyndina "After Ice"
Aðalfundur Jöklarannsóknafélags Íslands verður haldinn þriðjudaginn 23. febrúar kl. 20:00. Fundurinn mun fara fram með rafrænum hætti vegna Covid 19 og samkomutakmarkana.
Hlekkur með aðgangi á rafrænan aðalfund verður sendur á félaga tveimur dögum fyrir aðalfundinn. Hafi rafræn aðalfundarboð ekki þegar borist í tölvuskeyti þann 11. febrúar þá þarf að athuga hvort rétt netfang sé skráð í félagatali JÖRFÍ. Félagar án netfangs, sem fá fréttabréf jafnan í bréfpósti, geta upplýst okkur um netfang sem við munum senda hlekkinn á rafræna fundinn á. Frekari leiðbeiningar eru í nýju fréttabréf.
http://gamli.jorfi.is/wp-content/uploads/2019/03/JORFILOGOOO.jpg00halfdanahttp://gamli.jorfi.is/wp-content/uploads/2019/03/JORFILOGOOO.jpghalfdana2021-02-11 22:34:152022-01-18 08:23:56Aðalfundur JÖRFÍ og nýtt fréttabréf
Fjarfundur JÖRFÍ þriðjudag 12. janúar kl. 20-21 Sigrún Helgadóttir – fyrirlestur JÖRFÍ: Sigurður Þórarinsson, fyrstu ferðir hans á jökla. Hér er hlekkur á fundinn, hann opnast kl. 19:45: https://eu01web.zoom.us/j/68720181437
Ágrip fyrirlestursins: Sigurður Þórarinsson, fyrstu ferðir hans á jökla.
Störf Sigurðar fyrir Jöklarannsóknafélagið þarf vart að kynna félögum þess. Hann sat í stjórn félagsins í 30 ár, leiðangursstjóri margra ferða á jökla og var ritstjóri Jökuls í áratugi. Hann varð formaður félagsins 1969 og gengdi því starfi til dauðadags í febrúar 1983. Allt þetta og svo miklu meira þekkja margir félagar í Jöklarannsóknafélaginu, þekkja til rannsókna hans, kunna ótal sögur af Sigurði og muna margir skemmtilegheit hans og snilli.
En hvenær kynntist Sigurður jöklum? Hvenær fór hann fyrst á jökul? Hvað gæti hafa kveikt þennan mikla áhuga hans á jöklum? Sigrún Helgadóttir hefur á síðustu árum skrifað ævisögu Sigurðar sem vonandi kemur út í tveim bindum síðar á þessu ári. Sigurður var fæddur 1912 og Sigrún mun rekja lítillega uppvöxt hans, æskuár og fyrstu ferðir um Ísland. Síðan fyrstu ferðir hans á jökla og loks ferðir og leiðangra sem hann fór um jökla áður en Jöklarannsóknafélagið var stofnað. Líka verða sýndar fjölmargar myndir frá þessum tíma, að mestu fengnar úr miklu myndasafni Sigurðar.
